भीषण अपघातात आईसह दोन मुले जागीच ठार
वडील गंभीर जखमी
सांगली : हॅलो प्रभात
सांगली -तासगाव रस्त्यावरील कुमठेफाटा येथे ओव्हरटेक करीत असताना वडाप जीपने दुचाकीला उडविले. या भीषण अपघातात आईसह दोन मुले जागीच ठार झाले. तर सबंधित महिलेचा पती गंभीर जखमी असून त्यांच्यावर शासकीय रुग्णालयात उपचार सुरू आहेत. हा अपघात दि.११ डिसेंबर रोजी सकाळी अकराच्या सुमारास घडला. दुचाकीवरील दाम्पत्य आपल्या मुलांसह सांगलीहून आटपाडीकडे निघाले होते. ते कुमठेफाटा येथे आले असता वळणावर भरधाव वेगाने तासगावकडून येणार्‍या वडापने ओव्हरटेक करीत असताना समोरून येणार्‍या दुचाकीला जोरदार धडक दिली. हा अपघात इतका भीषण होता की, यामध्ये दुचाकीचे दोन तुकडे झाले आहेत.
