 |
| लोणी काळभोरच्या सरपंचपदी भरत काळभोर यांची बिनविरोध निवड |
लोणी काळभोर : हॅलो प्रभात
येथील ग्रामपंचायतीच्या सरपंचपदी भरत दत्तात्रय काळभोर यांची बिनविरोध निवड झाली आहे. यापूर्वीच्या सरपंच सविता लांडगे यांनी आपल्या सरपंच पदाचा राजीनामा दिल्यामुळे वाघोली येथील अध्यासी अधिकारी तथा मंडल अधिकारी अशोक शिंदे यांच्या अध्यक्षतेखाली सरपंच पदाची निवडणूक घेण्यात आली. सरपंच पदासाठी भरत काळभोर यांचा एकमेव अर्ज आला होता.
लोणी काळभोर गावच्या उर्वरित विकासासाठी गट-तट बाजूला ठेवून गावच्या विकासावर लक्ष केंद्रित करणार आहे.लोणी काळभोर गावासाठी राहिलेल्या उर्वरित कामासाठी वाढीव निधी मंजूर करून आणण्यासाठी वरिष्ठांच्या मार्गदर्शनाखाली प्रयत्न करणार आहे.- सरपंच भरत काळभोर ( नवनिर्वाचित सरपंच)
यावेळी यशवंत कारखान्याचे मा.उपाध्यक्ष माधव काळभोर, मा.उपसभापती युगंधर काळभोर व मान्यवरांच्या हस्ते नवनिर्वाचित सरपंच भरत काळभोर यांचा पुष्पगुच्छ देऊन सत्कार करण्यात आला. ग्रामपंचायतिचे ग्रामविकास अधिकारी एस.एन.गवारी यांनी निवडणुकीचे कामकाज पाहिले.
यावेळी साधना सहकारी बँकेचे सुभाष काशिनाथ काळभोर,बाजार समितीचे माजी संचालक शिवदास काळभोर, श्रीरंग काळभोर अर्जुन काळभोर माजी सरपंच शरद काळभोर,भोलेनाथ शेलार, योगेश काळभोर,माधुरी काळभोर, उपसरपंच रतन वाळके,माजी उपसरपंच ज्योती काळभोर,संगीता काळभोर, सदस्य गणेश कांबळे, नागेश काळभोर, सामाजिक कार्यकर्ते अमित काळभोर, सागर काळभोर,अतुल काळभोर,तसेच ग्रामस्थ,ग्रामपंचायत कर्मचारी वृंद व इतर मान्यवर उपस्थित होते.
