लोणी काळभोरच्या उपसरपंचपदी गणेश कांबळे बिनविरोध

लोणी काळभोरच्या उपसरपंचपदी गणेश कांबळे बिनविरोध 

लोणी काळभोर : हॅलो प्रभात

लोणी काळभोर (ता. हवेली) ग्रामपंचायतीच्या उपसरपंचपदी गणेश तात्याराम कांबळे यांची बिनविरोध निवड झाली आहे. मावळत्या उपसरपंच रत्नाताई वाळके यांनी आपल्या पदाचा राजीनामा दिल्याने हि निवडणूक घेण्यात आली होती. लोणी काळभोरचे सरपंच भरत काळभोर यांच्या अध्यक्षतेखाली ग्रामपंचायत कार्यालयात उपसरपंचपदाची निवडणूक घेण्यात आली होती. यावेळी उपसरपंच पदासाठी गणेश कांबळे यांचा एकमेव अर्ज आल्याने लोणी काळभोरचे सरपंच भरत काळभोर यांनी गणेश कांबळे यांची उपसरपंचपदी बिनविरोध निवड झाल्याची घोषणा केली आहे. ग्रामविकास आधिकारी सतीश गवारी यांनी निवडणूकीचे कामकाज पाहिले.

दै. हॅलो प्रभात आजचा ई - पेपर 

वाचण्यासाठी येथे क्लिक करा. 

यावेळी जेष्ठ नेते माधव काळभोर, साधना सहकारी बँकेचे माजी अध्यक्ष सुभाष काळभोर,कॉग्रेसचे तालुकाध्यक्ष शिवदास काळभोर,माजी उपसभापती युगंधर काळभोर,माजी सरपंच भोलेनाथ शेलार,राजाराम काळभोर,योगेश काळभोर,माधुरी काळभोर,सविता लांडगे,माजी उपसरपंच ज्योती काळभोर,ललिता काळभोर,प्रियांका काळभोर,भारती काळभोर,रत्नाताई वाळके,संगीता काळभोर, नागेश काळभोर,सुनील गायकवाड, राहुल काळभोर, बकुळा केसकर, सविता जगताप व ग्रामस्थ उपस्थित होते.यावेळी बोलताना नवनिर्वाचित उपसरपंच गणेश कांबळे म्हणाले की,जेष्ठ नेत्यांच्या मार्गदर्शनाखाली, सहकाऱ्यांच्या व ग्रामस्थांच्या मदतीने गावच्या सर्वांगीण विकास होण्यासाठी प्रयत्न करणार आहे.